கூகுள் புகைப்படங்கள் : நீங்கள் தெரிந்து கொள்ள வேண்டிய ஐந்து முக்கியமான விஷயங்கள்

 Five things you should be aware of Google photos Tamil News : புகைப்படங்கள் அல்லது வீடியோக்களை காப்புப் பிரதி எடுப்பதற்கு கூகுள் புகைப்படங்கள், பரவலாகப் பயன்படுத்தப்படும் பயன்பாடுகளில் ஒன்று. ஒவ்வொரு கூகுள் கணக்கிலும் வரும் 15 ஜிபி சேமிப்பை நிறுவனம் உங்களுக்கு இலவசமாக வழங்குகிறது. புகைப்படங்களைச் சேமிப்பதற்காக நீங்கள் இந்த பயன்பாட்டைப் பயன்படுத்துகிறீர்கள் என்றால், நீங்கள் சில விஷயங்களை அறிந்திருக்க வேண்டும். கூகுள் புகைப்படங்கள் பயன்பாட்டைப் பற்றி மேலும் அறிய தொடர்ந்து படிக்கவும்.

படத்தின் தரம்

எக்ஸ்பிரஸ், ஸ்டோரேஜ் சேவர் மற்றும் ஒரிஜினல் குவாலிட்டி உள்ளிட்ட மூன்று விருப்பங்களை கூகுள் வழங்குகிறது. இப்போது, ​​நீங்கள் “ஒரிஜினல் குவாலிட்டி” ஆப்ஷனை தேர்வு செய்யவில்லை என்றால், உங்கள் புகைப்படங்கள் அல்லது வீடியோக்கள் அனைத்தும் அசல் தரம், மெகாபிக்சல்கள் மற்றும் கூகுள் போட்டோஸில் பதிவேற்றப்படும் ரெசல்யூஷனில் சேமிக்கப்படாது என்று அர்த்தம். நீங்கள் மற்ற இரண்டு விருப்பங்களைத் தேர்ந்தெடுக்கும்போது படங்களின் தரம் சுருக்கப்படுகிறது.

கூகுள் கணக்கு சேமிப்பு

எந்த விருப்பத்திலும் காப்புப் பிரதி எடுக்கும் அனைத்து புகைப்படங்கள் மற்றும் வீடியோக்கள் உங்கள் கூகுள் கணக்கு சேமிப்பகத்தில் கணக்கிடப்படும். இது, மாபெரும் 15GB மொத்த சேமிப்பிடத்தை இலவசமாக வழங்குகிறது மற்றும் இது தீர்ந்துவிட்டால், அதிக சேமிப்பிற்காக நீங்கள் Google One சந்தாவை வாங்க வேண்டும்.

நீங்கள் கூடுதல் சேமிப்பை வாங்காதபோது என்ன நடக்கும்?

நீங்கள் சேமிப்பகத்தில் அல்லது ஒதுக்கீடு அதிகமாக இருந்தால், கூடுதல் புகைப்படங்கள் மற்றும் வீடியோக்களை காப்புப் பிரதி எடுக்க முடியாது. 24 மாதங்களுக்கான ஒதுக்கீட்டில் இருந்தால், உங்கள் உள்ளடக்கம் பாதிக்கப்படலாம் என்று கூகுள் கூறுகிறது. நீங்கள் அதிக புகைப்படங்களை சேமிக்க முடியாது என்பதற்காக நீங்கள் இந்தப் பயன்பாட்டைப் பயன்படுத்துவதை நிறுத்தினால், உங்கள் டேட்டா அனைத்தும் இரண்டு ஆண்டுகளுக்குப் பிறகு நீக்கப்படும்.

“நீங்கள் Gmail, Google Drive (Google Docs, Sheets, Slides, Drawings, Forms, Jamboard அல்லது Sites ஃபைல்கள் உட்பட) அல்லது கூகுள் புகைப்படங்களில் 2 வருடங்களாக செயலற்ற நிலையில் இருக்கும்போது, ​​உங்கள் உள்ளடக்கங்கள் அனைத்தும் அந்த தயாரிப்பிலிருந்து அகற்றப்படலாம். ஆனால், அது நடக்கும் முன், கூகுள் தயாரிப்புகளுக்குள் மின்னஞ்சல் மற்றும் அறிவிப்புகளைப் பயன்படுத்தி உங்களுக்கு அறிவிப்பை வழங்குவோம். உள்ளடக்கம் நீக்கத் தகுதி பெறுவதற்குக் குறைந்தது மூன்று மாதங்களுக்கு முன்பே நாங்கள் உங்களைத் தொடர்புகொள்வோம்”.

உங்கள் உள்ளடக்கங்களை அவர்களின் சேவைகளிலிருந்து பதிவிறக்கம் செய்வதற்கான விருப்பத்தையும் கூகுள் உங்களுக்கு வழங்கும்” என்று நிறுவனம் மேலும் குறிப்பிடுகிறது, “நீங்கள் புகைப்படங்களில் 2 வருடங்கள் செயலற்றவராக இருந்தாலும், இயக்ககம் மற்றும் ஜிமெயிலில் இன்னும் செயலில் இருந்தால், உங்கள் கூகுள் புகைப்படங்கள் உள்ளடக்கம் மட்டுமே நீக்கப்படும். ஜிமெயில் மற்றும் கூகுள் டிரைவில் உள்ள உள்ளடக்கம் (Google Docs, Sheets, Slides, Drawings, Forms and Jamboard files உட்பட) அந்த தயாரிப்புகளில் நீங்கள் செயலில் இருந்தால் நீக்கப்படாது”.

உங்கள் டேட்டாவை நீக்குவதைத் தவிர்க்க எப்படி ஆக்டிவாக வைத்துக்கொள்வது?

உங்கள் டேட்டாவை ஆக்டிவாக வைத்திருப்பதற்கான எளிய வழி, அவ்வப்போது ஜிமெயில், கூகுள் புகைப்படங்கள் மற்றும் கூகுள் டிரைவ் (மற்றும்/அல்லது Google Docs, Sheets, Slides, Drawings, Forms, Jamboard and Sites போன்ற கூட்டு உள்ளடக்க உருவாக்கம் பயன்பாடுகள்) அல்லது இணையம் வழியாகச் செல்வது. நீங்கள் உள்நுழைந்துள்ளீர்கள் மற்றும் இணையத்துடன் இணைக்கப்பட்டுள்ளீர்கள் என்பதை உறுதிப்படுத்த வேண்டும்.

“உங்கள் சாதனத்தில் பல கணக்குகள் அமைக்கப்படலாம் என்பதை கவனத்தில் கொள்ள வேண்டும். செயல்பாடு சாதனத்தால் அல்ல, கணக்கால் கருதப்படுகிறது. எனவே, பயனர்கள் தாங்கள் செயலில் இருக்க விரும்பும் அனைத்து கணக்குகளுக்கும் சேவைகளைப் பயன்படுத்துகிறார்கள் என்பதை உறுதி செய்ய வேண்டும்” என்று கூகுள் கூறுகிறது.

கூகுள் புகைப்படங்கள் சேமிப்பு மேலாண்மை கருவி

இதே போன்ற புகைப்படங்கள் அல்லது நீங்கள் சேமிக்க விரும்பாத புகைப்படங்களை அகற்ற கூகுளின் சேமிப்பக மேலாண்மை கருவியைப் பயன்படுத்தலாம் மற்றும் கூகுள் அவற்றைத் தானாகவே காப்புப் பிரதி எடுக்கிறது. சேமிப்பக மேலாண்மை கருவியை நீங்கள் எவ்வாறு அணுகலாம் என்பது இங்கே.

ஸ்டெப் 1: சேமிப்பை சுத்தம் செய்யவும்

ஸ்டெப் 2: உங்கள் ஆண்ட்ராய்டு போன் அல்லது டேப்லெட்டில், கூகுள் போட்டோஸ் ஆப்ஸைத் திறக்கவும்.

ஸ்டெப் 3: உங்கள் கூகுள் கணக்கில் உள்நுழைக. அதன் பிறகு, உங்கள் கணக்கு சுயவிவரப் புகைப்படத்தை க்ளிக் செய்யவும். அதை நீங்கள் மேல் வலது மூலையில் காணலாம்.

ஸ்டெப் 4: புகைப்பட அமைப்புகளை க்ளிக் செய்யவும் > காப்புப் பிரதி & சிங்க் > சேமிப்பகத்தை நிர்வகிக்கவும்.

ஸ்டெப் 5: “மதிப்பாய்வு மற்றும் நீக்கு” என்பதன் கீழ், எந்த வகையையும் தேர்ந்தெடுக்கவும். பிறகு தேர்ந்தெடு என்பதை க்ளிக் செய்யவும். நீக்க விரும்புபவற்றைத் தேர்ந்தெடுத்து பின்னர் bin-க்கு நகர்த்தவும்