Samsung S21 FE 5G அறிமுகத்திற்கு ரெடி: என்னென்ன அம்சங்களை பேக் செய்யும்?

 சாம்சங் நிறுவனத்தின் ஜெர்மன் இணையதளத்தில் சாம்சங் கேலக்ஸி எஸ் 21 எஃப்இ 5ஜி ஸ்மார்ட்போனின் சப்போர்ட் பேஜ் நேரலைக்கு வந்துள்ளதால், அது கூடிய விரைவில் அறிமுகம் செய்யப்படலாம் என்பது போல் தெரிகிறது.

என்ன தேதியில் அறிமுகமாகும்?

சரியான வெளியீட்டு தேதி குறித்து இந்த தென்கொரிய தொழில்நுட்ப நிறுவனம் எந்த அதிகாரப்பூர்வ அறிவிப்பையும் வெளியிடவில்லை. இருப்பினும், ஸ்மார்ட்போனின் ஆதரவு பக்கம் நேரலைக்கு வந்துள்ளதால், அதன் வெளியீடு விரைவில் நடக்கும் என்று எதிர்பார்க்கப்படுகிறது.

சப்போர்ட் பேஜ் வழியாக வெளிப்படுத்தப்பட்டுள்ள அம்சங்கள்?

நினைவூட்டும் வண்ணம், இந்த புதிய சாம்சங் கேலக்ஸி எஸ் 21 எஃப்இ கடந்த ஆண்டு செப்டம்பரில் அறிமுகப்படுத்தப்பட்ட சாம்சங் கேலக்ஸி எஸ் 20 எஃப்இ மாடலின் மேம்படுத்தப்பட்ட "வாரிசாக" இருக்கும்.

வெளியான ஆதரவு பக்கத்தில் உள்ள லிஸ்டிங், குறிப்பிட்ட ஸ்மார்ட்போனின் மாடல் நம்பர் SM-G990B/DS என்று குறிப்பிட்டுள்ளதே தவிர வேறு எந்த விதமான அம்சங்கள் மற்றும் விவரக்குறிப்புகளையும் பற்றியும் பேசவில்லை.

கவலை வேண்டாம்; நம்மிடம் போதுமான அளவு லீக்ஸ் உள்ளன!

முன்னதாக வெளியான லீக்ஸ் தகவல்கள் வழியாக, சாம்சங் கேலக்ஸி எஸ் 21 எஃப்இ மாடல் குவால்காம் ஸ்னாப்டிராகன் 888 SoC மற்றும் 120 ஹெர்ட்ஸ் ரெஃப்ரெஷ் ரேட் உடன்6.4 இன்ச் AMOLED டிஸ்ப்ளேவை கொண்டுருக்கலாம்.

மேலும் இந்த ஸ்மார்ட்போன் நீலம், சாம்பல், பச்சை, வயலட் மற்றும் வெள்ளை நிறங்களில் வரும் என்று டிப்ஸ்டர் இவான் பிளாஸ் பரிந்துரைத்துள்ளார்.

இந்த ஸ்மார்ட்போன் சீனாவின் 3 சி சான்றிதழ் இணையதளம் மற்றும் அமெரிக்க ஃபெடரல் கம்யூனிகேஷன்ஸ் கமிஷன் (FCC) இணையதளத்திலும் காணப்படுகிறது.

அதன் வழியாக இது அதன் 45W மற்றும் 25W ஃபாஸ்ட் சார்ஜிங் அம்சங்களை வெளிப்படுத்தியது. கேலக்ஸி எஸ் 21 மாடலில் உள்ள 4,000 எம்ஏஎச் யூனிட்டை விட சற்று பெரிய பேட்டரி இதில் இடம்பெறலாம், அதாவது இது 4,500 எம்ஏஎச் பேட்டரியுடன் வரும் என்று ஒரு தனி அறிக்கை தெரிவிக்கிறது.

சாம்சங் கேலக்ஸி எஸ் 21 எஃப்இ ஆனது மற்ற கேலக்ஸி எஸ் 21 மாடல்களின் பின்புறத்தில் உள்ள அதே கேமரா மாட்யூல் வடிவமைப்பைப் பெறும் என்று எதிர்பார்க்கப்படுகிறது.

இது ட்ரிபிள் ரியர் கேமரா அமைப்பு மற்றும் முன்புறத்தில் ஒரு ஹோல்-பஞ்ச் பிளாட் டிஸ்ப்ளேவை கொண்டிருக்க வாய்ப்புள்ளது. சாம்சங் கேலக்ஸி எஸ் 21 எஃப்இ-யில் இன்-டிஸ்ப்ளே பிங்கர் பிரிண்ட் சென்சார் இருக்கும்.

நினைவூட்டும் வண்ணம் சாம்சங் கேலக்ஸி S20 FE 5G இந்த ஆண்டு மார்ச் மாதம் இந்தியாவில் அறிமுகப்படுத்தப்பட்டது.

இந்த இடத்தில் சாம்சங் நிறுவனம் இன்னும் அதன் கேலக்ஸி எஸ் 21 எஃப்இ மாடலை அதிகாரப்பூர்வமாக அறிவிக்கவில்லை என்பது குறிப்பிடத்தக்கது. ஆகவே நமக்கு கிடைத்த எல்லா தகவல்களையும் "லேசாக" எடுத்துக்கொள்வது நல்லது.