5000mAh பேட்டரி, 6.52-இன்ச் டிஸ்பிளேவுடன் வெறும் ரூ.6999-க்கு இப்படி ஒரு Phone-ஆ!

 ஐடெல் நிறுவனத்தின் லேட்டஸ்ட் பட்ஜெட் ஸ்மார்ட்போனாக விஷன் 2S மாடல் இந்தியாவில் அறிமுகப்படுத்தப்பட்டுள்ளது.

இது ஆண்ட்ராய்டு 11 (கோ எடிஷன்) ஓஎஸ்-இன் கீழ் இயங்குகிறது மற்றும் HD+ ரெசல்யூஷன் டிஸ்பிளேவை கொண்டுள்ளது.


பின்புறத்தில் டூயல் ரியர் கேமரா அமைப்பு மற்றும் பிங்கர் பிரிண்ட் சென்சார் உள்ளது.

இதில், பயனர்களுக்கு 24 நாட்கள் ஸ்டென்ட்-பை நேரம் மற்றும் 25 மணிநேர டால்க் டைமை வழங்குவதாகக் கூறும் ஒரு பெரிய 5,000mAh பேட்டரியை பேக் செய்யப்பட்டுள்ளதாக ஐடெல் நிறுவனம் கூறுகிறது.


1.6 ஜிகாஹெர்ட்ஸ் ஆக்டா-கோர் ப்ராசஸர் மற்றும் 32 ஜிபி அளவிலான இன்டர்னல் ஸ்டோரேஜை கொண்டுள்ள ஐடெல் விஷன் 2 எஸ் ஆனது மூன்று வண்ண விருப்பங்களில் அறிமுகப்படுத்தப்பட்டுள்ளது.

இந்தியாவில் Itel Vision 2S ஸ்மார்ட்போனின் விலை, விற்பனை:

புதிய Itel Vision 2S மாடல் இந்தியாவில் சிங்கிள் 2GB RAM + 32GB ஸ்டோரேஜ் ஆப்ஷனின் கீழ் ரூ,6,999 க்கு வாங்க கிடைக்கும்.

இது கிரேடேஷன் பர்பில், கிரேடேஷன் ப்ளூ மற்றும் டீப் ப்ளூ என்கிற மூன்று கிரேடியன்ட் டோன்களில் விற்பனை செய்யப்படுகிறது.

இது ஒரு பிரத்யேக விஐபி சலுகையுடன் வருகிறது, இதன் கீழ் நுகர்வோர் எந்த சேவை கட்டணமும் செலுத்தாமல் வாங்கிய 100 நாட்களுக்குள் உடைந்த ஸ்க்ரீனை ஒரு முறை இலவசமாக மாற்ற முடியும்.

ஐடெல் விஷன் 2 எஸ் ஸ்மார்ட்போனின் ஸ்பெக்ஸ் ஷீட்:

அம்சங்களை பொறுத்தவரை, இது ஐடெல் விஷன் 2 எஸ் ஆனது ஆண்ட்ராய்டு 11 (கோ எடிஷன்) ஓஎஸ் கொண்டு இயங்குகிறது.

இது 6.52-இன்ச் அளவிலான HD+ (720x1,600 பிக்சல்கள்) IPS டிஸ்ப்ளேவை 2.5D கர்வ்டு கிளாஸ் பாதுகாப்பு, 90 சதவீதம் ஸ்க்ரீன் டூ பாடி விகிதம், 269ppi பிக்சல் டென்சிட்டி மற்றும் 20: 9 அளவிலான ஸ்க்ரீன் ரேஷியோவுடன் கொண்டுள்ளது.

யுனிசோக் SC9863A ப்ராசஸர் மூலம் இயங்கும் இந்த ஸ்மார்ட்போன் 2 ஜிபி ரேம் உடன் இணைக்கப்பட்டுள்ளது. இதன் இன்டர்னல் ஸ்டோராஜ் 32 ஜிபி என பட்டியலிடப்பட்டுள்ளது.

கேமராக்களை பொறுத்தவரை, ஐடெல் விஷன் 2 எஸ் ஆனது 8 மெகாபிக்சல் மெயின் சென்சார் மற்றும் அதனுடன் கூடிய விஜிஏ சென்சாரை கொண்ட டூயல் ரியர் கேமரா அமைப்பைக் கொண்டுள்ளது.

இது 5 மெகாபிக்சல் செல்பீ கேமராவை வாட்டர் டிராப்-ஸ்டைல் நாட்ச் வடிவமைப்பில் உட்பொதிக்கிறது.

முன்னரே குறிப்பிடபடி, ஐடெல் விஷன் 2 எஸ் ஆனது 5000 எம்ஏஎச் பேட்டரியைக் கொண்டுள்ளது, இது பயனர்களுக்கு 24 நாட்கள் ஸ்டென்ட்பை நேரம் மற்றும் 25 மணிநேர டால்க் டைமை வழங்கும் என்று நிறுவனம் உறுதியளிக்கிறது.

ஃபேஸ் அன்லாக் ஆதரவுடன் பின்புறம் பொருத்தப்பட்ட பிங்கர் பிரிண்ட் சென்சார் என "இரட்டை பாதுகாப்பு" அம்சங்களுடன் இந்த போன் வருகிறது.

போர்டில் உள்ள மற்ற சென்சார்களை பொறுத்தவரை,இதில் ஜி சென்சார் மற்றும் ப்ராக்ஸிமிட்டி சென்சார் ஆகியவைகளும் உள்ளன.

டூயல் சிம் ஸ்லாட்டுகளைக் கொண்டுள்ள (நானோ + நானோ) ஐடெல் விஷன் 2 எஸ் அளவெட்டல் 166x76.3x8.9 மிமீ உள்ளது.