Vivo Y21 விலைய சொன்னா Realme 8, Redmi Note 10T, Samsung M32 பக்கமே போக மாட்டீங்க!

 

Vivo நிறுவனம் அதன் லேட்டஸ்ட் பட்ஜெட் ஸ்மார்ட்போன்களில் ஒன்றான Y21 மாடலை இந்தியாவில் அறிமுகம் செய்துள்ளது. இது டூயல் ரியர் கேமராக்கள் மற்றும் 5000mAh பேட்டரி போன்ற அம்சங்களுடன் வருகிறது.

 

ஹைலைட்ஸ்:

• இந்தியாவில் விவோ ஒய்21 அறிமுகம்
• ரியல்மி 8 5ஜி, ரெட்மி நோட் 10டி, சாம்சங் கேலக்ஸி எம் 32 மாடல்களுக்கு கடும் போட்டி
• 5000mAh பேட்டரியை பேக் செய்கிறது

• ஈசியான கேள்விகளுக்கு பதில் சொல்லி மிகப்பெரிய பரிசுகளை வெல்லலாம்

Vivo நிறுவனத்தின் லேட்டஸ்ட் ஸ்மார்ட்போன்களில் ஒன்றான Y21 மாடல் இந்தியாவில் அதிகாரப்பூர்வமாக அறிமுகப்படுத்தப்பட்டதையடுத்து அதன் விலை, அம்சங்கள் மற்றும் விற்பனை குறித்த விவரங்கள் வெளியாகியுள்ளது.
செல்பீ கேமாராவிற்கான வாட்டர் டிராப் நாட்ச் வடிவமைப்பு, பாதுகாப்புக்காக பக்கவாட்டில் பொருத்தப்பட்ட பிங்கர் பிரிண்ட் சென்சார் மற்றும் சதுர வடிவிலான கேமரா அமைப்பில் உள்ள டூயல் ரியர் கேமராக்கள் உடன் வரும் Vivo Y21 ஆனது 6.51-இன்ச் HD+ டிஸ்ப்ளே, மீடியாடெக் ஹீலியோ P35 SoC, 128GB ஸ்டோரேஜ், ஆண்ட்ராய்டு 11 OS உடன் ஃபன்டச் 11.1 கஸ்டம் ஸ்கின், 13MP மெயின் கேமரா போன்ற மற்ற சில கவனிக்கத்தக்க அம்சங்களையும் கொண்டுள்ளது.
விவோ ஒய்21 ஆனது ரியல்மி 8 5ஜி, ரெட்மி நோட் 10டி, சாம்சங் கேலக்ஸி எம் 32 மற்றும் இதே போன்ற பிரிவில் உள்ள மற்ற நிறுவனங்களின் ஸ்மார்ட்போன்களுக்கு கடும் போட்டியாக இருக்கும் என்பதில் சந்தேகம் வேண்டாம்.

விவோ Y21 விலை:

இந்தியாவில் விவோ ஒய் 21 ஸ்மார்ட்போனின் 4 ஜிபி ரேம் + 64 ஜிபி ஸ்டோரேஜ் ஆனது ரூ.13,990 க்கும், இதன் 4 ஜிபி ரேம் + 128 ஜிபி ஸ்டோரேஜ் ஆனது ரூ.15,490 க்கும் வாங்க கிடைக்கும்

இது டயமண்ட் க்ளோ மற்றும் மிட்நைட் ப்ளூ நிறங்களில் வருகிறது, மேலும் இது விவோ இந்தியா இ-ஸ்டோர், அமேசான், பேடிஎம், பிளிப்கார்ட், முக்கிய ரீடெயில் கடைகள் மற்றும் டாடாக்ளிக் வழியாக வாங்க கிடைக்கும்.

விவோ Y21 அம்சங்கள்:

Vivo Y21 ஆனது 6.51-inch அளவிலான HD+ Halo FullView டிஸ்ப்ளேவை 1,600 X 720 பிக்சல்கள் ரெசல்யூஷன், 20: 9 அளவிலான ஆஸ்பெக்ட் ரேஷியோ மற்றும் வாட்டர் டிராப் நாட்ச் ஆகியவற்றுடன் கொண்டுள்ளது.

ஐஎம்ஜி பவர்விஆர் ஜிஇ 8320 ஜிபியு, 4 ஜிபி ரேம் மற்றும் 128 ஜிபி ஸ்டோரேஜ் ஆகியவற்றுடன் இணைக்கப்பட்ட மீடியாடெக் ஹீலியோ பி 35 எஸ்ஓசி மூலம் இந்த ஸ்மார்ட்போன் இயக்கப்படுகிறது.

மேலும் மைக்ரோ எஸ்டி கார்டு மூலம் ஸ்டோரேஜை மேலும் விரிவாக்கக்கூடிய ஆதரவையும் வ;வழங்குகிறது. இது ஆண்ட்ராய்டு 11 ஓஎஸ்-அடிப்படையிலான Funtouch 11.1 OS ஸ்கின் (அவுட் ஆப் பாக்ஸ்) உடன் வருகிறது.

18W ஃபாஸ்ட் சார்ஜிங் ஆதரவு கொண்ட 5000mAh பேட்டரியை பேக் செய்யும் இந்த ஒப்போ ஸ்மார்ட்போன் ஆனது 4 ஜி எல்டிஇ, டூயல் பேண்ட் வைஃபை, ப்ளூடூத் 5.1, ஜிபிஎஸ் மற்றும் சார்ஜிங் மற்றும் டேட்டா டிரான்ஸ்பருக்கான யுஎஸ்பி டைப்-சி போர்ட் ஆகிய கனெக்டிவிட்டிகளை கொண்டுள்ளது

Vivo Y21 அதன் பின்புறத்தில் டூயல் கேமராக்களைக் கொண்டுள்ளது, 13MP மெயின் சென்சார் (f/2.2 மற்றும் 2MP (f/2.4) மேக்ரோ சென்சார். செல்பி மற்றும் வீடியோ சாட்களுக்கு முன்புறத்தில் 8 எம்பி செல்பீ கேமரா உள்ளது.

இது பக்கவாட்டில் பொருத்தப்பட்ட பிங்கர் பிரிண்ட் சென்சார் உடன் வருகிறது. கடைசியாக அளவீட்டில் இது 164 x 76 x 8 மிமீ மற்றும் எடையில் 182 கிராம் உள்ளது.