Vi செய்த முட்டாள் தனமான காரியம்; இருக்குற கொஞ்ச பேரும் கண்டிப்பா ஓடிடுவாங்க!

 

வோடபோன் ஐடியா நிறுவனம் ரூ.49 ப்ரீபெய்ட் ரீசார்ஜை, இந்தியாவில் உள்ள அதன் பெரும்பாலான வட்டங்களில் நிறுத்தயுள்ளது. இனிமேல் பயனர்கள் ரூ.79 பேக்கை தான் குறைந்தபட்ச ரீசார்ஜ் திட்டமாக அணுக முடியும்.

 

ஹைலைட்ஸ்:

• ரூ.49 நிறுத்தம், இனிமேல் ரூ.79-ஐ தான் ரீசார்ஜ் செய்ய வேண்டும்.
• இதை மறைமுகமான விலை உயர்வு என்றே கூறலாம்.
• ஏர்டெல் பாணியை மேலுமொரு முறை அப்படியே காப்பி அடிக்கும் வி.

• ஈசியான கேள்விகளுக்கு பதில் சொல்லி மிகப்பெரிய பரிசுகளை வெல்லலாம்

வோடபோன் ஐடியா (Vi) இந்தியாவின் பெரும்பாலான பகுதிகளில் அதன் ரூ.49 ப்ரீபெய்ட் திட்டத்தை நிறுத்தியுள்ளது.

ப்ரீபெய்ட் திட்டங்கள் விஷயத்தில் இந்த டெலிகாம் நிறுவனம் பெரும்பாலும் பாரதி ஏர்டெல்லின் அடிச்சுவடுகளை அப்படியே பின்பற்றுகிறது என்பதற்கு இது மேலுமொரு எடுத்துக்காட்டு.
ஏனெனில் (சில வாரங்களுக்கு முன்) ஏர்டெல் நிறுவனம் செய்ததை போலவே, வி நிறுவனமும் நாட்டின் பெரும்பாலான பகுதிகளில் அதன் ரூ.49 ப்ரீபெய்ட் திட்டத்தை நிறுத்தியுள்ளது, மற்றும் இனிமேல் பயனர்கள் ரீசார்ஜ் செய்யக்கூடிய குறைந்தபட்ச ரீசார்ஜ் ஆக ரூ.79-ஐ மாற்றியுள்ளது
இந்த தகவலை முதலில் கண்டறிந்து அறிக்கை வெளியிட்டது ஃபைனான்சியல் எக்ஸ்பிரஸ் என்பது இங்கே குறிப்பிடத்தக்கது. வெளியான அறிக்கையின்படி வோடபோன் ஐடியா நிறுவனம் தனது ரூ.49 ப்ரீபெய்ட் திட்டத்தை வழங்கும் தொலைத்தொடர்பு வட்டங்களின் எண்ணிக்கையை குறைத்துள்ளது.

வோடபோன் ஐடியா ரூ.49 மற்றும் ரூ .79 ப்ரீபெய்ட் திட்டங்களின் வேலிடிட்டி மற்றும் நன்மைகள்:

ரூ.49 வழியாக வோடாபோன் ஐடியா நிறுவனம் 100MB அளவிலான டேட்டா மற்றும் ரூ.38 டால்க் டைம் போன்ற நன்மைகளை மொத்தம் 14 நாட்களுக்கு வழங்குகிறது. இதில் எஸ்எம்எஸ் நன்மைகள் எதுவும் சேர்க்கப்படவில்லை.

ஒப்பிடுகையில், வி ரூ.79 ப்ரீபெய்ட் திட்டம் 200 எம்பி டேட்டா, ரூ.64 மதிப்புள்ள டாக் டைமை 28 நாட்களுக்கு வழங்குகிறது, ஆனால் மீண்டும், இதிலும் எஸ்எம்எஸ் நன்மைகள் கிடைக்காது.

ரூ.49 திட்டத்துடன் ஒப்பிடும்போது பயனர்கள் ரூ.79 திட்டத்துடன் கிட்டத்தட்ட இரட்டிப்பு நன்மைகளைப் பெறுவார்கள். மகாராஷ்டிரா மற்றும் ஆந்திரா உட்பட தேர்ந்தெடுக்கப்பட்ட சில தொலைத்தொடர்பு வட்டங்களில் இந்த திட்டம் இன்னமும் அணுக கிடைக்கிறது.

இது நிறுவனத்தின் மறைமுகமான கட்டண உயர்வா?

ஆம் என்றே கூறலாம். பயனர்கள் அதிக நன்மைகளைப் பெறுகிறார்கள் என்றாலும் கூட அவர்கள் அதை விரும்பாவிட்டாலும் கூட அதிக செலவு செய்து ரூ.79-ஐ தான் ரீசார்ஜ் செய்ய வேண்டியிருக்கும்.

முன்னரே குறிப்பிட்டபடி, ஏர்டெல் நிறுவனமும் இதையேதான் செய்தது. தனது ரூ.49 திட்டத்தை நீக்கி ரூ.79-ஐ அதன் குறைந்தபட்ச ரீசார்ஜ் திட்டமாக மாற்றியது.

தற்போது ஏர்டெல் மற்றும் வோடபோன் ஐடியா சிம் கார்டை ஆக்டிவ் ஆக வைத்துக்கொள்ள விரும்பும் வாடிக்கையாளர்களுக்கு ரூ.79 திட்டத்துடன் ரீசார்ஜ் செய்வதைத் தவிர வேறு வழியே இல்லை.

இந்த நடவடிககி வோடபோன் ஐடியாவின் ARPU-வை (ஒரு பயனருக்கான சராசரி வருவாய்) மேம்படுத்த ஓரளவு உதவும், இது அதன் மொத்த வருவாயையும் சாதகமாக மேம்படுத்தலாம்.