OPPO A15 மீது விலைக்குறைப்பு..இதுக்கும் அம்பானிக்கும் என்ன சம்மந்தம்?

 

ஒப்போ நிறுவனத்தின் ஒரு பிரபலமான பட்ஜெட் ஸ்மார்ட்போன் மீது ரூ.999 என்கிற விலைக்குறைப்பு அறிவிக்கப்பட்டுள்ளது. உடன் ரூ.7000 மதிப்பிலான ஜியோ ரீசார்ஜ் நன்மைகளும் அணுக கிடைக்கிறது. என்ன மாடல், புதிய மற்றும் பழைய விலை நிர்ணயம் என்ன, என்னென்ன அம்சங்கள், இதோ முழு விவரங்கள்.

 

ஹைலைட்ஸ்:

• ஒப்போ ஏ15 மீது விலைக்குறைப்பு
• உடன் ஜியோ ரீசார்ஜ் சலுகைகளும் கிடைக்கும்
• இது 6.52 இன்ச் அளவிலான HD+ LCD பேனலைக் கொண்டுள்ளது

நினைவூட்டும் வண்ணம் OPPO நிறுவனத்தின் பட்ஜெட் ஸ்மார்ட்போனாக A15 மாடல் கடந்த அக்டோபர் 2020-இல் இந்தியாவில் அறிமுகப்படுத்தப்பட்டது.

(அதைத் தொடர்ந்து டிசம்பர் மாதத்தில் OPPO A15s மாடல் வெளியானது, அது ஒருபக்கம் அப்படியே இருக்கட்டும், நாம் ஏ15 பற்றி மட்டுமே பேசுவோம்)
2020 நவம்பர் மாத வாக்கில் ஒப்போ ஏ15 ஸ்மார்ட்போன் அதன் முதல் விலை குறைப்பைப் பெற்றது. இருப்பினும், ஜூலை 2021-இல் அதன் விலை மீண்டும் உயர்த்தப்பட்டது.

இப்போது, மீண்டும் குறிப்பிட்ட ஒப்போ ஸ்மார்ட்போனின் விலை நாட்டில் -இரண்டாவது முறையாக - குறைக்கப்பட்டுள்ளது. அதுவும் அம்பானி தலைமையிலான ஜியோவுடன் கூட்டு சேர்ந்து!

அறிமுகமாகி 10 மாதங்கள் ஆன நிலையில் OPPO A15 ஸ்மார்ட்போனின் 3GB + 32GB வேரியண்ட்டின் மீது விலைக்குறைப்பை வழங்க OPPO நிறுவனம் இந்தியாவின் மிகப்பெரிய தொலைத்தொடர்பு ஆபரேட்டர் ஆன ஜியோவுடன் கூட்டு சேர்ந்துள்ளது.

ஒப்போ ஏ15 ஸ்மார்ட்போனின் அசல் விலை ரூ.10,990 ஆகும். ஆனால் இப்போது, இதை ரூ.9,991-க்கு (அதாவது ரூ.999 என்கிற தள்ளுபடி விலையின் கீழ்) வாங்கலாம்.

கூடுதலாக, பயனர்கள் ரூ.7,000 மதிப்புள்ள ஜியோ ரீசார்ஜ் நன்மைகள் மற்றும் நோ காஸ்ட் EMI திட்டங்களையும் பெறலாம்.

அம்சங்களை பொறுத்தவரை, OPPO A15 ஆனது பிளாஸ்டிக் கட்டமைப்பு மற்றும் 6.52 இன்ச் அளவிலான HD+ LCD பேனலைக் கொண்டுள்ளது. இது மீடியாடெக் ஹீலியோ பி 35 சிஓசி மற்றும் எல்பிடிடிஆர் 4 எக்ஸ் ரேம் மூலம் இயக்கப்படுகிறது.

ஸ்மார்ட்போனின் பின்புறத்தில் 13MP முதன்மை சென்சார், 2MP மேக்ரோ ஷூட்டர் மற்றும் 2MP டெப்த் சென்சார் கொண்ட ட்ரிபிள் ரியர் கேமரா அமைப்பு உள்ளது. மேலும் இது ட்யூடிராப் நாட்ச் வடிவமைப்பிற்குள்ளான 5 எம்பி செல்பீ கேமராவையும் கொண்டுள்ளது.

பின்புறத்தில் பொருத்தப்பட்ட கைரேகை சென்சார் உடன் வரும் இந்த ஒப்போ ஸ்மார்ட்போன் ஆனது டூயல் சிம், 4 ஜி, டூயல் பேண்ட் வைஃபை, ப்ளூடூத் 5.0, ஜிஎன்எஸ்எஸ், 3.5 மிமீ ஹெட்போன் ஜாக், மைக்ரோஎஸ்டி கார்டு ஸ்லாட் மற்றும் மைக்ரோ யுஎஸ்பி போர்ட் போன்ற அம்சங்களையும் கொண்டுள்ளது.

ஆண்ட்ராய்டு 10 ஓஎஸ் அடிப்படையிலான கலர்ஓஎஸ் 7.2-யின் கீழ் இயங்கும் இந்த பட்ஜெட் ஸ்மார்ட்போன் 10W சார்ஜிங்கிற்கான ஆதரவுடன் 4,230 எம்ஏஎச் பேட்டரியை பேக் செய்கிறது.