நோக்கியா மொபைல் போன்களை தயாரிக்கும் உரிமம் பெற்றுள்ள HMD Global நிறுவனம் கென்யாவில் Nokia X20 என்கிற புதிய ஸ்மார்ட்போனை சார்ஜர் இல்லாமல் அறிமுகம் செய்துள்ளது. என்ன விலைக்கு அறிமுகம் செய்யப்பட்டுள்ளது, என்னென்ன அம்சங்களை கொண்டுள்ளது, இதோ முழு விவரங்கள்.
ஹைலைட்ஸ்:
- கென்யாவில் நோக்கியா எக்ஸ்20 அறிமுகம்
- சார்ஜர் இல்லாமல் வெளியாகியுள்ளது
- சுமார் ரூ.28கே பட்ஜெட்டில் வாங்க கிடைக்கிறது
சிலருக்கு இந்த மேட்டர் தெரிந்து இருக்கலாம்!
ஃபின்னிஷ் ஸ்மார்ட்போன் தயாரிப்பாளர் தொடர்பான இந்த "நோ சார்ஜர்" செய்தி சிலருக்கு ஆச்சரியத்தை ஏற்படுத்தாமல் இருக்கலாம். ஏனெனில் இந்நிறுவனம் ஐரோப்பா போன்ற சில சந்தைகளில் ஸ்மார்ட்போன் சார்ஜருடன் அனுப்பப்படாது என்பதை ஏற்கனவே அறிவித்துள்ளது.
சார்ஜர் இல்லாமல் ஸ்மார்ட்போன் அனுப்பப்படுவதின் பின்னணி என்ன?
பல பயனர்கள் ஏற்கனவே வீட்டில் சார்ஜர்கள் வைத்திருப்பதால், மின்னணு கழிவுகளை குறைக்கும் நோக்கத்தின் கீழ் பல நிறுவனங்கள் தங்கள் ஸ்மார்ட்போன்களுடன் சார்ஜர்களை அனுப்பாது என்று அறிவித்திருந்தன, அதில் நோக்கியா நிறுவனமும் ஒன்றாகும்!
சார்ஜரா முக்கியம்? ஸ்மார்ட்போனின் ஸ்பெக்ஸ் ஷீட்டிற்கு வருவோம்!
நோக்கியா எக்ஸ்20 ஸ்மார்ட்போனின் அம்சங்கள் பற்றி பேசுகையில், இது முன்புறத்தில் 32 மெகாபிக்சல் பஞ்ச் ஹோல் செல்பீ கேமராவுடன் 6.67 இன்ச் அளவிலான FHD+ டிஸ்ப்ளேவை கொண்டுள்ளது.
பின்புறத்தில், 64 மெகாபிக்சல் மெயின் கேமராவை உள்ளடக்கிய ட்ரிபிள் ரியர் கேமரா அமைப்புடன் வருகிறது. உடன் 2 மெகாபிக்சல் மேக்ரோ லென்ஸ் மற்றும் 2 மெகாபிக்சல் டெப்த் சென்சார் உள்ளது.
இது ஒரு குவால்காம் ஸ்னாப்டிராகன் 480 SoC-ஐக் கொண்டுள்ளது, இது 6 ஜிபி அல்லது 8 ஜிபி ரேம் மற்றும் 128 ஜிபி இன்டர்னல் ஸ்டோரேஜ் உடன் இணைக்கப்பட்டுள்ளது, மேலும் இது மைக்ரோ எஸ்டி கார்டு ஸ்லாட் வழியாக ஸ்டோரேஜை விரிவாக்கும் ஆதரவையும் வழங்குகிறது.
இந்த லேட்டஸ்ட் நோக்கியா ஸ்மார்ட்போன் சற்றே பெரிய 4,470mAh பேட்டரியை பேக் செய்கிறது. இது யூ.எஸ்.பி டைப் சி போர்ட் மூலம் 18W சார்ஜிங்கை ஆதரிக்கிறது.
நோக்கியா எக்ஸ் 20 ஆனது ஆண்ட்ராய்டு 11 ஓஎஸ்ஸை (அவுட் ஆப் பாக்ஸ்) இயக்குகிறது மற்றும் 3.5 மிமீ ஹெட்ஜாக்கையும் கொண்டுள்ளது.
5 ஜி ஆதரவு, ப்ளூடூத் 5.0, என்எப்சி மற்றும் பலவற்றைக் கொண்டுள்ள இந்த ஸ்மார்ட்போன் கென்யாவில், இந்திய மதிப்பின்படி தோராயமாக ரூ. 27,199 என்கிற ஆரம்ப விலையில் உள்ளூர் கடைகளில் வாங்க கிடைக்கிறது.
0 Comments