டிவி சீரியல் நடிகரை திருமணம் செய்த ஜெயம் ரவி பட நடிகை

பிரபல மலையாள நடிகையான சந்திரா லக்ஷ்மண் பிரபல சீரியல் நடிகரான டோஷ் கிறிஸ்டியை திருமணம் செய்து கொண்டிருக்கிறார். இது குறித்து அவர் இன்ஸ்டாகிராமில் போஸ்ட் போட்டுள்ளார். ஹைலைட்ஸ்:

• நடிகர் டோஷ் கிறிஸ்டியை மணந்த சந்திரா லக்ஷ்மண்

• திருமணம் குறித்து இன்ஸ்டாகிராமில் போஸ்ட் போட்ட சந்திரா

• ஈசியான கேள்விகளுக்கு பதில் சொல்லி மிகப்பெரிய பரிசுகளை வெல்லலாம்

ஸ்ரீகாந்தின் மனசெல்லாம் படம் மூலம் நடிகையானவர் சந்திரா லக்ஷ்மண். ஸ்ரீகாந்த், சினேகா நடித்த ஏப்ரல் மாதத்தில், ஜெயம் ரவியின் தில்லாலங்கடி உள்ளிட்ட படங்களிலும் நடித்திருக்கிறார்.

தமிழ் தவிர்த்து மலையாள படங்களிலும் நடித்து வந்த சந்திரா பின்னர் மலையாள தொலைக்காட்சி தொடர்களில் கவனம் செலுத்தத் துவங்கினார். ஸ்வந்தம் மலையாள சீரியல் மூலம் பிரபலமான சந்திரா லக்ஷ்மண் நடிப்பில் இருந்து பிரேக் எடுத்திருந்தார்.

தற்போது மீண்டும் நடிக்க வந்திருக்கும் அவர் ரசிகர்களுக்கு இன்ப அதிர்ச்சி அளித்துள்ளார். ஸ்வந்தம் சுஜாதா சீரியல் மூலம் மீண்டும் நடிப்பை தொடர்ந்திருக்கிறார் சந்திரா. அந்த சீரியலில் நடித்து வரும் டோஷ் கிறிஸ்டிக்கும், சந்திராவுக்கும் திருமணம் நடந்திருக்கிறது.

டோஷ் கிறிஸ்டியின் கையை பிடித்திருக்கும் புகைப்படத்தை இன்ஸ்டாகிராமில் வெளியிட்டு சந்திரா கூறியிருப்பதாவது,
எங்களின் குடும்பத்தாரின் ஒப்புதல் மற்றும் ஆசியுடன் நாங்கள் புது பயணத்தை துவங்கும் நேரத்தில் நலம் விரும்பிகளாகிய உங்களையும் எங்கள் சந்தோஷத்தில் சேர்த்துக்கொள்ள விரும்புகிறோம். என் திருமணம் பற்றிய அனைத்து கேள்விகளுக்கும் முற்றுப்புள்ளி வைக்கிறேன். எங்களை ஆசிர்வதிக்கவும், எங்களுக்காக பிரார்த்தனை செய்யவும் என தெரிவித்துள்ளார்.