இன்டர்நெட் இல்லாமல் UPI-ஐ பயன்படுத்தி Online வழியாக பணம் அனுப்புவது எப்படி?

  
ஹைலைட்ஸ்:

• UPI வழியாக பணம் அனுப்ப இப்படி ஒரு வழி இருக்கா? என்று ஷாக் ஆக ரெடியா?

• இது இணைய சேவை சார்ந்த சிக்கல்களின் போது கைகொடுக்கும்

• இதை சாத்தியப்படுத்துவது எப்படி என்கிற எளிய வழிமுறைகள் இதோ

• ஈசியான கேள்விகளுக்கு பதில் சொல்லி மிகப்பெரிய பரிசுகளை வெல்லலாம்

இந்திய - அமெரிக்க அணு ஒப்பந்தம்: மன்மோகன் சிங்கின் தீர்க்க தரிசனம்
வேட்டை மன்னன் டேல் ஸ்டெயின்
தடுப்பூசியால் பலன் ஏற்பட்டுள்ளதா: ஆய்வு அளிக்கும் பதில்கள்
பாலியல் அத்துமீறல்: அடங்க மறு!UPI ஐப் பயன்படுத்தி பணம் செலுத்த விரும்பும் சந்தர்ப்பங்களை நீங்கள் ஒரு முக்க்கியமான சிக்கலை சந்திக்க நேரிடும் - அது மெதுவான இணைய வேகம்

இதன் காரணமாக நீங்கள் உடனடியாக செய்ய விரும்பும் பணப்பரிமாற்றம் செய்ய முடியாமல் போகலாம் அல்லது ஒருவேளை பணத்தை பரிமாற்றம் செய்யும் போது நீங்கள் 2G வேகத்தை பெறலாம், இது UPI பரிவர்த்தனைகளை ஆன்லைனில் செய்ய போதுமானதாக இருக்காது.

ஆனால் இங்கே பலருக்கும் தெரியாத ஒரு மேட்டர் என்னவென்றால்.. உங்கள் ஸ்மார்ட்போனின் டயலரில் *99# என்கிற USSD குறியீட்டைப் பயன்படுத்தி ஆஃப்லைன் பயன்முறையில் UPI ஐப் பயன்படுத்த ஒரு வழி உள்ளது.

ஸ்மார்ட்போனை பயன்படுத்துகிறார்களா இல்லையா என்பதை பொருட்படுத்தாமல், அனைத்து மொபைல் பயனர்களையும் UPI-இன் ஈகோ-சிஸ்டமில் சேர்க்க, '*99# சேவை' அறிமுகப்படுத்தப்பட்டது.

இந்த குறியீட்டை நீங்கள் பயன்படுத்தும் ஸ்மார்ட்போன் நம்பர் ஆனது உங்கள் வங்கிக் கணக்குடன் இணைக்கப்பட்டிருந்தால், *99# ஐப் பயன்படுத்தி UPI இன் அனைத்து வசதிகளையும் நீங்கள் பெறலாம்.

ஸ்மார்ட்போன் பயன்படுத்துபவர்களுக்கு, UPI ஆப்களுக்கான அணுகல் இருப்பதால் *99# வழியாக UPI ஐப் பயன்படுத்துவது சிறிதளவே அர்த்தமுள்ளதாக இருக்கலாம் ஆனால் பீச்சர் போன்களுக்கு, *99# USSD குறியீடு தான் UPI வழியாக பணம் செலுத்துவதற்கான ஒரே தேர்வாகும்.

இந்த அம்சம் சில காலமாகவே நடைமுறையில் உள்ளது ஆனால் அது அவ்வளவு பிரபலமாக இல்லை, சரி வாருங்கள், இணைய வசதி இல்லாமல் UPI ஐ பயன்படுத்தி நீங்கள் எப்படி டிஜிட்டல் முறையில் பணம் செலுத்தலாம் என்கிற எளிமையான வழிமுறைகளை படிப்படியாக பார்ப்போம்:

முன்நிபந்தனை:

- உங்கள் வங்கிக் கணக்குடன் உங்கள் மொபைல் எண் இணைக்கப்பட்டுள்ளதா என்பதை உறுதிப்படுத்தவும்
- நீங்கள் UPI-க்கு பதிவு செய்துள்ளதையும் உறுதிப் படுத்திக்கொள்ளவும்.

வழிமுறைகள்:

1. உங்கள் ஸ்மார்ட்போனின் டயலரைத் திறந்து *99# ஐ என்பதை உள்ளிட்டு கால் பட்டனை கிளிக் / டேப் செய்யவும்.

2. இப்போது Select Option என்கிற தலைப்பின் கீழ், நீங்கள் நிறைய விருப்பங்களைக் கொண்ட ஒரு மெனுவைக் காண்பீர்கள். பணபரிமாற்றத்தை செய்ய நீங்கள் எண் 1 என்பதை டைப் செய்து, அதை Send செய்யவும்.

3. இப்போது Send Money To என்கிற விருப்பத்தின்ன் கீழ் மொபைல் நம்பர், UPI ID உட்பட பல விருப்பங்களை காண்பீர்கள். எடுத்துக்காட்டுக்கு நம் ஒரு மொபைல் நம்பருக்கு பணம் அனுப்புவோம் என்று வைத்துக்கொள்வோம். அதற்கான எண் 1-ஐ டைப் செய்து Send செய்யவும்.

4. பின்னர் யாருக்கு பணம் அனுப்ப வேண்டுமோ அவருடைய (UPI கணக்குடன் இணைக்கப்பட்ட) மொபைல் எண்ணை டைப் செய்து Send என்பதை கிளிக் செய்யவும்.

5. பின்னர் அனுப்ப வேண்டிய தொகையை உள்ளிட்டு Send என்பதை அழுத்தவும்.

6. இப்போது பணம் செலுத்துவதற்கான விளக்கத்தை/ குறிப்பை உள்ளிடவும்.

7. பின்னர் குறிப்பிட்ட பரிவர்த்தனையை முடிக்க உங்கள் UPI பின்னை உள்ளிடவும், அவ்வளவுதான், உங்கள் UPI பரிவர்த்தனை இணைய வசதி இல்லாமலே நிறைவடையும்.

*99# ஐப் பயன்படுத்தி UPI-ஐ டிசேபிள் அல்லது deregister செய்வது எப்படி என்கிற வழிமுறைகள் இங்கே:

1. உங்கள் ஸ்மார்ட்போனின் டயலரைத் திறந்து *99# என்று டைப் செய்யவும்.

2. காணப்படும் விருப்பங்கள் பட்டியலில் இருந்து விருப்பம் 4-ஐத் தேர்ந்தெடுக்கவும்.

3. UPI இலிருந்து பதிவுநீக்கம் செய்வதற்கு நம்பர் 7 ஐ டைப் செய்து Send என்பதை கிளிக் /டேப் செய்யவும்.

4. நீங்கள் UPI இலிருந்து பதிவுநீக்கம் செய்ய விரும்புகிறீர்கள் என்பதை உறுதிப்படுத்த 1-ஐ அழுத்தவும், அவ்வளவுதான்.