விமல் வீட்டு பார்ட்டியில் விஜய் சேதுபதி அன்ட் குடும்பம்: அவர் மனைவி தான்

 நடிகர் விமலின் மகன் ஆரிக்கின் பிறந்தநாள் கொண்டாட்டத்தில் மக்கள் செல்வன் விஜய் சேதுபதி தன் மனைவி, பிள்ளைகளுடன் கலந்து கொண்டிருக்கிறார். அப்பொழுது எடுக்கப்பட்ட புகைப்படங்கள் வெளியாகி வைரலாகியுள்ளது.

ஹைலைட்ஸ்:

• விமல் மகன் ஆரிக்கின் பிறந்தநாள் பார்ட்டியில் விஜய் சேதுபதி
• வைரலாகும் விஜய் சேதுபதியின் குடும்ப புகைப்படம்

• ஈசியான கேள்விகளுக்கு பதில் சொல்லி மிகப்பெரிய பரிசுகளை வெல்லலாம்

நடிகர் விமல் தன் செல்ல மகன் ஆரிக்கின் பிறந்தநாளை கொண்டாடினார். அந்த பிறந்தநாள் பார்ட்டியில் விஜய் சேதுபதி தன் மனைவி, மகன், மகளுடன் கலந்து கொண்டு ஆரிக்கை வாழ்த்தினார்.
ஆரிக்கின் பார்ட்டியில் எடுக்கப்பட்ட புகைப்படங்கள் வெளியாகியிருக்கிறது. அதில் விஜய் சேதுபதியின் குடும்பத்தை பார்த்த ரசிகர்கள் சந்தோஷப்பட்டுள்ளனர்.
விமலும், விஜய் சேதுபதியும் இந்த அளவுக்கு நெருக்கம் என்று தெரியாமல் போய்விட்டதே என்று ரசிகர்கள் வியந்து தெரிவித்துள்ளனர்.

விஜய் சேதுபதியின் மனைவியை பார்த்து தான் பலரும் வியக்கிறார்கள். அவரை பார்த்தால் மிகவும் இளமையாக தெரிகிறார் என்கிறார்கள் ரசிகர்கள்.
விஜய் சேதுபதியின் மகன் சண்டை பயிற்சி எடுத்தபோது எடுக்கப்பட்ட வீடியோ அண்மையில் வெளியானது. இந்நிலையில் இந்த குடும்ப புகைப்படம் வெளியாகி ரசிகர்களை கவர்ந்துள்ளது.
கெரியரை பொறுத்தவரை லோகேஷ் கனகராஜ் இயக்கத்தில் விக்ரம் படத்தில் நடிக்கிறார் விஜய் சேதுபதி. காரைக்குடியில் இன்று படப்பிடிப்பு துவங்குகிறது. விஜய் சேதுபதிக்கு ஜோடியாக பிக் பாஸ் 4 நிகழ்ச்சி புகழ் ஷிவானி நடிப்பதாக செய்திகள் வெளியாகியிருக்கிறது.

இது தவிர்த்து விக்னேஷ் சிவன் இயக்கத்தில் காத்து வாக்குல ரெண்டு காதல் படத்தில் நடித்து முடித்துள்ளார் விஜய் சேதுபதி. அந்த படத்தில் நயன்தாரா, சமந்தா என்று இரண்டு ஹீரோயின்கள். இந்நிலையில் படப்பிடிப்பு தளத்தில் எடுக்கப்பட்ட புகைப்படங்கள் சமூக வலைதளங்களில் வெளியாகியிருக்கிறது.